ZUBIMUSU
ZUBIMUSU
Pertsona bakoitzak bizitzan zehar dituen momentuko premiei erantzun ahal izateko laguntzera bideratutako diziplinarteko taldea gara. Norbanakoak bere bidea egin dezan, bere baliabideak aurkiaraztea eta horiek sustatzea da gure eginkizuna.
Psikoterapia prozesuaren bidez gure esentziarekin konektatzea bilatzen dugu, gure bizitzarako baliabide eta gaitasun propioak ezagutuz ongizate handiagoarekin bizitzeko.
Haur eta gazteen psikoterapiak espazio seguruak eskaintzen ditu, haurrek eta gazteek beren barne-mundua adieraz dezaten, beren bizipenak lantzen eta integratzen laguntzeko eta ongizate handiagoa lortzeko.
Pedagogian, eskola-adineko haur eta nerabeekin lan egiten dugu, beren ikaskuntzaren garapenean zailtasunak dituztenekin.
Logopedian, ahozko edo idatzizko komunikazioa garatzeko zailtasunak dituzten eskola-adineko haur eta nerabeekin lan egiten dugu.
Goi-mailako prozesu kognitiboak ebaluatzea eta esku hartzea, zailtasunen aurrean hobeto egokitzeko.
Jolasaren bidez, haurrekin eta haien barne-munduarekin konekta gaitezke, haien beharrak, nahiak eta emozioak ulertzeko aukera emanez, eta, horrela, haien garapen integrala sustatu.
Zure ongizatea hobetzeko konpromisoz eta arduraz lanean arituko den diziplinarteko taldea gara: entzungo zaitugu eta zure bidean laguntzeko prest gaude.
Pertsona, familia eta haur bakoitza ezberdina denez, berezko premia zein egoerak ditu. Kasu bakoitza ezagutu ahal izateko profesional egokienarekin lehen elkarrizketa bat egiten dugu, zu entzun ahal izateko eta eta zure kasurako lagungarria den proposamen bat aurkezteko prest gaude.
Zure premietan oinarrituta eta bilerak egiten ditugun heinean, planteatutako helburuak betetzeko plan bat egiten dugu.
Osasun zein hezkuntza arloko profesionalekin elkarlanean gauden diziplinarteko taldea gara. Familiaren inplikazioa eta hezkuntza zentroaren esku-hartzea funtsezkotzat jotzen dugu.Modu honetara, laguntzeko beharrezkoak diren baliabide guztiak ditugu eskuragarri.
Gurekin harremanetan jarri
Deitu edo idatziguzu, zu ezagutzeko eta edozein zalantza argitzeko prest egongo gara.
