Haur zein gazteen psikologia

Zeini zuzenduta dago haur eta gazteen psikologia?

Kontsultara bertaratzeko arrazoiak askotarikoak izan daitezke, baina arrazoi horiek guztiak helburu amankomun bat dute: pertsonak gaur duen ongizatea hobetzea edota etorkizuneko arazoak saihestea.

Helburuak

Zer da haur eta gazteen psikoterapiaren bidez proposatu nahi duguna?

Haur eta gazteei espazio seguru bat bermatu nahi diegu non euren egunerokoan eragiten duten bizipenak adierazi eta bizipenak lantzeko aukera edukiko duten. Honi esker, modu egokian lagunduko diegu eta ongizate emozional handiago bat eskuratuko dute.

Nolakoak dira gure bilerak?

Prozesu terapeutiko guztiak erabat pertsonalizatuak dira eta norbanako bakoitzaren beharretara egokitzen ditugu. Adina eta premiak kontuan hartuz beraz, askotariko baliabideak erabili ditzakegu.

Adin txikikoenekin, jolasa eta espresioa espontaneoa izango dira gehien erabiliko ditugun jarduerak. Era berean, helduen -  bai guraso eta tutore – kolaborazioa eta partaidetza aktiboa funtsezkoak dira prozesuaren garapen zuzenerako.

Nerabezaroan sartzearekin batera, esparru terapeutikoak datozkigun erronkei aurre egiteko baliabideak eskainiko dizkigu. Autoezagutza, emozioak kudeatzeko erremintak eta laguntza egokia izatea izango dira hazkuntza pertsonal baterako gakoak.

Zubimusun lan talde zein baliabide egokiak ditugu eskura eta bizitzaren etapa honetan ongizate hobe bat lortzeko lagunduko dizugu.